- Дугаар
- 07
- Огноо
- Төрөл
- Нийтээр дагаж мөрдөх журам
НИЙСЛЭЛИЙН
ИРГЭДИЙН ТӨЛӨӨЛӨГЧДИЙН ХУРЛЫН
ТОГТООЛ
2024 оны 02 сарын 08 өдөр Дугаар 07 Улаанбаатар хот
Авто тээврийн болон өөрөө явагч хэрэгсэлд
ногдуулах албан татварын хэмжээг шинэчлэн
батлах тухай
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.10, 35.1.14 дэх заалт, 48 дугаар зүйлийн 48.1 дэх хэсэг, Монгол Улсын нийслэл Улаанбаатар хотын эрх зүйн байдлын тухай хуулийн 21 дүгээр зүйлийн 21.1.5 дахь заалт, Монгол Улсын авто тээврийн болон өөрөө явагч хэрэгслийн албан татварын хуулийн 5 дугаар зүйлийн 1, 3 дахь хэсгийг тус тус үндэслэн Нийслэлийн иргэдийн Төлөөлөгчдийн Хурлаас ТОГТООХ нь:
1.Нийслэл Улаанбаатар хотод авто тээврийн болон өөрөө явагч хэрэгсэлд ногдуулах албан татварын хэмжээг шинэчлэн хавсралтаар баталсугай.
2.Тогтоолыг захиргааны хэм хэмжээний актын улсын нэгдсэн бүртгэлд бүртгүүлэхийг Нийслэлийн иргэдийн Төлөөлөгчдийн Хурлын Ажлын алба (Б.Батбямба)-нд даалгасугай.
3.Тогтоолын хэрэгжилтийг ханган ажиллахыг Нийслэлийн Засаг дарга бөгөөд Улаанбаатар хотын Захирагч (Х.Нямбаатар)-д үүрэг болгосугай.
4.Тогтоолын хэрэгжилтэд хяналт тавьж ажиллахыг Хурлын Эдийн засаг, төсвийн хороо (М.Халиунбат)-нд, Засаглал, эрх зүйн шинэтгэлийн хороо (Н.Баярчимэг)-нд тус тус даалгасугай.
5.Энэ тогтоол батлагдсантай холбогдуулан Нийслэлийн иргэдийн Төлөөлөгчдийн Хурлын 2010 оны “Авто тээвэр болон өөрөө явагч хэрэгслийн албан татварын хэмжээг батлах тухай” 6/46 дугаар тогтоолыг хүчингүй болсонд тооцсугай.
ДАРГА Ж.БАТБАЯСГАЛАН
Нийслэлийн иргэдийн Төлөөлөгчдийн
Хурлын 2024 оны 02 дугаар сарын 08-ны
өдрийн 07 дугаар тогтоолын хавсралт
АВТО ТЭЭВРИЙН БОЛОН ӨӨРӨӨ ЯВАГЧ ХЭРЭГСЭЛД
НОГДУУЛАХ АЛБАН ТАТВАРЫН ХЭМЖЭЭ
№ | Авто тээврийн болон өөрөө явагч хэрэгслийн төрөл | Жилд ногдуулах албан татварын хэмжээ /төгрөгөөр/ |
1 | 2 дугуйтай мотоцикл | 2500 |
2 | 3 дугуйтай мотоцикл | 4000 |
3 | Суудлын авто машин:
а/2001 см3 хүртэл б/2001-3001 см3 хүртэл в/ 3001 см3 болон түүнээс дээш | /Цилиндрийн багтаамжийн нэг см3 тутамд төгрөгөөр/ 24 27 33 |
4 | Микробус/15 хүртэл суудалтай | 35000 |
5 | Автобус | 52000 |
6 | Ачааны машин: 1/1 хүртэл тооны даацтай 2/ 1-2 тн-ын даацтай 3/ 2-3 тн–ын даацтай 4/ 3-5 тн-ын 5/ 5-8 тн-ын 6/ 8-10 тн-ын 7/ 10-20 тн-ын 8/ 20-30 тн-ын 9/ 30-40 тн-ын 10/ 40-50 тн-ын 11/ 50-60 тн-ын 12/ 60-70 тн-ын 13/ 70-80 тн-ын 14/ 80-90 тн-ын 15/ 90-100 тн-ын 16/ 100 тн-оос дээш даацтай |
30000 45000 55000 75000 120000 135000 150000 210000 270000 330000 420000 480000 540000 600000 660000 720000 |
7 | Тусгай зориулалтын автомашин | 16000 |
8 | Трактор, өөрөө явагч бусад хэрэгсэл | 18000 |
9 | Бага оврын трактор | 8000 |
10 | Чиргүүл/даацын 1 тонн тутамд | 8000 |
11 | Цахилгаан тэжээлт автомашин | 0 |
________oOo_________